Shqip
English
Universiteti i Shkodrës “Luigj Gurakuqi” në bashkëpunim me Shoqatën Mjedisore Ballkanike (Balkan Environmental Assocatiation, B.EN.A) organizojnë më 6-8 nëntor 2015 konferencën e tretë shkencore ndërkombëtare: “Kërkimi dhe edukimi në shkencat natyrore” të fokusuar tek tema: “Harmonizimi i studimit mjedisor dhe mësimdhënia me politika të qëndrueshme”.
Seanca plenare zhvillohet ditën e premte, më 6 nëntor 2015, ora 9:00, tek salla e konferencave (A3) pranë Rektoratit të Universitetit të Shkodrës “Luigj Gurakuqi”.
Kjo konferencë do të mbledhë së bashku studiues dhe pedagogë të shkencave të natyrës, për të diskutuar rreth metodologjive të mësimdhënies së shkencave të natyrës në të gjitha nivelet e shkollimit dhe mësimdhënies me politika të qëndrueshme për mjedisin.
Në këtë konferencë janë mirëpritur studiues dhe pedagogë të rinj, që mbulojnë këto tematika të rëndësishme të shkencave të natyrës.
Prezantimet në konferencë do të bëhen me kumtesa dhe postera.
- 2713 lexime