Audicione për vënien në skenë të një pjese teatrale

Dega e Kulturës dhe e Botimeve e Universitetit të Shkodrës “Luigj Gurakuqi” në bashkëpunim me teatrin “Migjeni” kanë si projekt vënien në skenë të një komedie.

Njoftohen të gjithë studentët (djem e vajza) që kanë prirje dhe u pëlqen të merren me teatër, të paraqiten në audicionet që do të zhvillohen në Sallën e Konferencave (A3) tek Rektorati i Universitetit të Shkodrës “Luigj Gurakuqi”.

Në këto audicione studentët mund të paraqiten me interpretimin e një monologu ose të një poezie.

Audicionet do të zhvillohen në datat 16-17-18 mars 2015, ora 10 00- 13 00 , tek Auditori (A3) pranë Rektoratit.

Jeni të mirëpritur.