Shqip
English
![](https://old.unishk.edu.al/sites/default/files/styles/large_per_aktivitete/public/portfolio_images/img_76741.jpg?itok=hIx6tbEY)
Ditën e hënë datë 09.10.2017 u zhvillua një takim mes Prof. Margareth Phraser nga Universiteti i Metropolitan State në Denver dhe përfaqësues të Rektoratit të Universitetit “Luigj Gurakuqi”. Ky takim u zhvillua në kuadër të nxitjes së bashkëpunimit mes këtyre dy Universiteteve pas marrëveshjes së firmosur nga palët respektive.
Bashkëbisedimi u fokusua në fushat dhe mënyrat e bashkëpunimit. Gjatë takimit Prof.dr. Adem Bekteshi shprehi kënqësinë e tij për këtë bashkëpunim i cili do të përqëndrohet në fushën e edukimit, veçanërisht në trajnimin e stafit dhe shkëmbimin e studentëve.
Ndër të tjera prof. Phraser duke patur një bashkëpunim të gjërë me Fakultetin e Shkencave të Edukimit theksoi mbështetjen për mbarëvajtjen e marrëdhënieve dhe partneritetit me Universitetin e Shkodrës veçanërisht në fushën e edukimit.
Në vazhdim të vizitës së saj në Universitet prof. Phraser e cila gëzon një karrierë të gjërë në fushën akademike veçanërisht në shkencat e edukimit, cila zhvilloi një workshop lidhur me programet e studimit si dhe metodologjinë e mësimdhënies përmes videove mësimore, ku pjesëmarrës ishin pedagogët që kryesisht mbulojnë masterat e mësuesisë.
- 2284 lexime