Dt. 18.11.2016. U organizua Konferenca Shkencore Ndërkombëtare “Shqipëri & Hungari – Dje, sot dhe nesër”

Fakulteti i Shkencave Shoqërore, Instituti i Studimeve Albanologjike, Ambasada e Republikës së Hungarisë dhe Konsullata e Nderit e Hungarisë në Shkodër, organizuan në sallën e konferencave pranë Rektoratit të USH-së,  Konferencën Shkencore Ndërkombëtare “Shqipëri & Hungari – Dje, sot dhe nesër”

Në fjalën e hapjes, rektori i Universitetit të Shkodrës, prof. dr. Adem Bekteshi, ndër të tjera u shpreh: “Më lejoni t’ju uroj mirëseardhjen në Universitetin e Shkodrës, në këtë konferencë të rëndësishme ndërkombëtare, që zhvillohet në përkujtim të jubileut të 60-vjetorit të Revolucionit Hungarez të vitit 1956. Iu bashkova nismës për organizimin e kësaj konference studimore me temë: “Shqipëria dhe Hungaria – Dje, sot dhe nesër” jo thjesht për ta rikujtuar ketë ngjarje të madhe, por edhe për të theksuar simbolikën që ajo ka jo vetëm për popullin hungarez, por për gjithë popujt e Lindjes, ashtu si dhe për ne shqiptarët. Në këtë kontekst, por edhe duke e aktualizuar mesazhin tim, do të doja t’ju sjell ndër mend se ne shqiptarët, shkodranët dhe veçanërisht Universiteti i Shkodrës “Luigj Gurakuqi” kemi një trashëgimi të pasur ndihme dhe bashkëpunimi prej shekujsh me Hungarinë, e cila sidomos në kohëra kur zëri i saj dëgjohej fort, ka pasur një pozicion të spikatur për njohjen e rolit të Shqipërisë dhe shqiptarëve në histori, kulturë apo vlera të tjera”.

Kryetarja e Bashkisë së Shkodrës, znj. Voltana Ademi shprehu bindjen se kjo konferencë do të shërbejë për të përvijuar bashkëpunimin mes Shkodrës dhe Hungarisë. “Jam e kënaqur që universitetet hungareze po mbështesin Universitetin e Shkodrës”.

Konsulli i Nderit i Hungarisë në Shkodër, prof. as. dr. Kliti Hoti theksoi se ndihet i priviligjuar që ndodhet në këtë mjedis akademik dhe që arritëm të organizojmë këtë konferencë shkencore, e cila do të përçojë mesazhe të rëndësishme për marrëdhëniet e Shqipërisë me Hungarinë. Për ta konkretizuar këtë bashkëpunim, z. Hoti informoi të pranishmit për 20 bursa studentore të akorduara nga Ministria e Arsimit e Hungarisë. Në këtë kontekst brenda këtij trajtimi do të përfshihen edhe studentët e USH-së.

Znj. Mimoza Halimi, Drejtore e Evropës dhe Azisë Qendrore pranë Ministrisë së Jashtme të Shqipërisë në përshendetjen e saj u shpreh se ligjëratat që do të mbahen në këtë konferencë do të përbëjnë një burim të mirë njohurish për të gjithë ne.

Konferenca vijoi sipas program të mëposhtëm:

Seanca plenare

09 ³⁰ – 10 ³⁰:

1.      Dr. Márton BÉKÉS : Për Liri dhe Pavarësi – Lufta e Revolucionit dhe e lirisë së Hungarisë në vitin 1956.

2.      Prof. dr. Artan Haxhi & Prof. dr. Mimoza Priku : Hungaria dhe kontributi i Istavn Shütz në fushën e studimeve albanologjike.

3.      Prof. dr. Romeo Gurakuqi : Kontributi i Austro-Hungarisë në formimin e shtetit shqiptar në Rilindje, shtetformim dhe mbrojtje të kufijve të Shqipërisë Etnike.

4.      Dr. Krisztián Csaplár-Degovics: The 25. Anniversary of Albanian Independence and the Hungarians (1937).

5.      Prof. dr. Kurt Gostentschnigg: Thallóczy and Nopcsa-Two leading Austro–Hungarian albanologists competing for symbolic capital

Pushim kafe 10 ³⁰ 11 ⁰⁰

Seanca paralele :

11 ⁰⁰ – 13 ⁰⁰

Seksioni I

1.      Dr. Tamás Pálosfalvi : Skënderbeu dhe Huniadi. Miti dhe realiteti.

2.      Prof. dr. Mahir Hoti: Kontributi i studiuesit hungarez Franc Nopça në gjeoshkencat shqiptare.

3.      Dr. Csaba Katona : Geraldine Apponyi, Mbretëresha hungareze e të gjithë shqiptarëve.

4.      Prof. as. dr. Ledia Dushku: Aspekte të politikës austro-hungareze ndaj Shqipërisë gjatë Luftës së Madhe (1914-1918)

5.      Prof. as. dr. Simon Lufi : Shën Stefani i Hungarisë.

6.      Dr. Ferenc Pollmann : Misioni i fundit i Baron Nopcsa në Shqipëri (1915/16).

7.      Dr. Ervis Krymbi & Dr. Dritan Rustja : Studiuesit hungarezë në paraqitjen e hartave të trojeve shqiptare.

8.      Dr. Zoltán Péter BAGI : Dy vitet e para të Giorgio Basta në shërbim të perandorit (1597-1598).

Seksioni II

1.      Prof. as. dr. Rokin Daberdaku : Franc Nopça – studiuesi pasionant I etno kulturës shqiptare.

2.      Prof. as. dr. Rrezarta Draçini : Studiuesit hungareze per leksikografine shqiptare.

3.      Dr. Brisena Kopliku & Dr. Nevila Dibra : Shkëmbimet mes Shqipërisë dhe Hungarisë në fushën e arsimit të lartë.

4.      Prof. as. dr. Valbona Karakaçi : Mëtim mbi lirinë dhe shkrimtarin - Qasje krahasuese mes Imre Kertes (fituesi i çmimit Nobel 2002) dhe Kadaresë (çmimi Jeruzalem 2015).

5.      Prof. as. dr. Arben Prendi : Kontributi i Baron Franc Nopçës në mbledhjen e folklorit.

6.      Dr. Gëzim Puka & Prof. as. dr. Vincens Marku : Jokai Mor - Romancieri hungarez që u magjeps nga personazhet shqiptarë.

7.      Dr. Anisa Kosteri & Dr. Zamira Shkreli : Vlera gjuhësore e romanit “Djemtë e rrugës Paal” të autorit hungarez F. Molnar.

8.      Dr. Eleonóra Géra : Jeta sektrete e priftit shqiptar Toma Raspasani në Buda.